Cerberus é un completo programa contra o roubo dos seus dispositivos. Ofrécelle protección para recuperar o dispositivo perdido ou roubado, e identificar o paradoiro ou calquera tentativa de operar con el. Ata 5 dispositivos podes rastrexar cunha única conta.
Co 3º aniversario da aplicación, hoxe 25 de abril, e ata o 26 ás 6 AM, o programa será de balde para todo novo usuario ou que xa anteriormente o empregase. O prezo normal é de 2’99€ para sempre.
Finalmente, chega o galego ao Telegram oficial (non tardará en facelo á S-edition). Houbo que peregrinar polo traballado Shurgram, ao camiño asaltounos a versión xenuína galega Galegram; pero ao final do treito, xa se pode fedellar en galego no cliente oficial, cunha tradución coidada.
A xente que está detrás de Galegram presenta varias actualizacións. Por unha banda presentan a súa versión web de Webogram, tamén chamada Galegram. E seguen apostando por anovar e mellorar a propia versión android do Galegram. Ademais estrean icona nova e páxina web.
QuiteRSS é unha sinxela aplicación deseñada para axudarche a manter un ollo sobre todas as fontes de novas (RSS) que segues habitualmente. Se buscabas un substituto para o finado Google Reader, esta é unha boa opción, con galego incluído.
Que dicir do Telegram? Logo de termos a versión web (webogram), dous clientes android (Shurgram e Galegram), e mentres esperamos a que a aplicación orixinal engada máis linguas, chega unha versión en galego para os dispositivos iPhone, iPad e iPod touch, o Teixogram.
Open PS2 Loader, cargador de xogos para consola PS2 e PS3 con retrocompatibilidade, baseándose no código do HD Project. Pode ler os arquivos mediante rede e o disco duro interno, co cal pode cargar os xogos de PS2 dende todos os dispositivos posibles.
Se non te adaptaches ben ao Shurgram, ou agardas que o Telegram oficial engada o galego, dispoñemos no Google Play doutro novo fork do cliente. Neste caso chámase Galegram, e, obvio, tamén trae galego. Que non sexa por oportunidades de probar o novo cliente de mensaxería.
Actualización (14/03/2014): Visita o novo artigo para saber das novidades do Galegram.
Xa se pode dispoñer de Telegram en galego para android, non no cliente oficial, pero si a través dun fork (un derivado/bifurcación do oficial, totalmente funcional), grazas á xente de ForoCoches, que fixeron o seu particular Shurgram e incluíron o galego, traducido por un usuario do mesmo foro.
Se hai uns días daba conta de como vai a tradución de Telegram ao galego, agora temos dispoñible Webogram, un cliente web non oficial do Telegram para poder empregalo dende calquera parte: http://chuza.gl/telegram/
Media Player Classic – Home Cinema é un reprodutor multimedia extremadamente lixeiro e de código aberto. É compatible cos arquivos de audio e vídeo máis comúns, a través dos códecs que estean presentes no sistema. Dispón de versión de 32 e 64 bits.